Teléfonu: 985 773 558

 

Guía del consumidor

Guía del consumidor

¿Qué son los alimentos ecolóxicos?

Los alimentos ecolóxicos, tamién llamaos biolóxicos o orgánicos, son los que vienen de la producción ecolóxica y tán certificaos pa garantizar que cumplen les normes d’esti sistema de producción. Estes normes prohiben l’usu de sustancies de síntesis química, como pesticides y yerbicíes. Tampoco nun se dexen los organismos modificaos xenéticamente o trexénicos. En ganadería ecolóxica prohíbese l’usu antibióticos de manera preventiva, daqué que se debería evitar por norma xeneral pa prevenir los graves problemes de salú que provoca l’apaición de bacteries resistentes a los antibióticos.

 

Na ellaboración de los alimentos ecolóxicos ta bien acutáu l’usu d’aditivos, solamente déxase un amenorgáu númberu d’auxiliares tecnolóxicos necesarios pal tresformamientu y nun se dexa l’usu d’otros aditivos como los colorantes.

Los alimentos ecolóxicos tán obligaos a cumplir la mesma normativa europea alimentaria que’l restu d’alimentos, polo que tán doblemente controlaos.

¿Por qué consumir alimentos ecolóxicos?

Esisten munches razones p’apostar pola producción ecolóxica; munches vegaes escuéyense pol so sabor, pero tamién son los alimentos más recomendables nel contestu d’una alimentación saludable. Amás de tar llibres de borrafes de pesticidas, los productos ecolóxicos suelen tener otra serie de propiedaes nutricionales beneficioses que se deriven del sistema de producción.

 

Esto tiense demostrao en numberosos estudios científicos. Por casu, la lleche o la carne ecolóxico tienen mayores conteníos n’ácidos grasos saludables, por cuenta de que la alimentación de los animales realízase principalmente en base a campera y forraxe.

Les autoridaes sanitaries conocen los beneficios pa la salú de los alimentos ecolóxicos, por esi motivu n’Asturies poner en marcha’l Programa d’Alimentación saludable y de producción ecolóxica nos comedores escolares, que respuende a la necesidá d’ameyorar l’alimentación de la población infantil, ameyorando l’equilibriu nutricional del menú escolar ya incorporando aspeutos educativos na alquisición de vezos alimentarios saludables, nel respetu al mediu ambiente y na filosofía d’un consumu responsable y xusto, al traviés de la conocencia de les ventayes de l’agricultura ecolóxica y la so incorporación progresiva nel comedor escolar.

 

El COPAE participa nesti Programa, impulsáu poles Conseyeríes de Salú, Educación y Mediu Rural, nuna acción siguida ya intersectorial.

Amás de les ventayes pa la salú, hai que tener en cuenta los beneficios pal mediu ambiente.

L’agricultura ecolóxica tien que caltener y amontar la fertilidá de la tierra y caltener la salú de los recursos naturales, suelu, agua, y l’aire, y caltener un eleváu grau de biodiversidá.

 

Per otru llau, les normes de producción ecolóxica son un referente tocante a condiciones de bienestar animal, apurriendo a los animales unes condiciones d’agospiamientu que-yos dexe portase de manera natural.

 

La producción ecolóxica contribúi al desenvolvimientu rural, por cuenta de que ye un sistema de producción más amestáu a la tierra y ye una alternativa pa caltener les pequenes producciones nes zones rurales.

 

Les normes de producción ecolóxica fomenten les canales curties de comercialización, por que los sistemes alimentarios sían más sostenibles.

 

Por ello, les normes d’etiquetáu de los alimentos ecolóxicos inclúin una indicación que dexa conocer el llugar d’orixe de les materies primes.

¿Quién controla la producción ecolóxica?

Por que un alimentu sía ecolóxicu, tien que producise conforme a les estrictes normes de producción ecolóxica y tar certificáu por una entidá de control y certificación. El COPAE exerz los llabores de control sobro los distintos operadores inscritos en toles fases de producción, ellaboración y comercialización de los productos ecolóxicos. El inspectores de COPAE realicen dacuando controles refechos por aciu inspecciones y auditoríes a el operadores inscritos. Tolos operadores son controlaos, a lo menos, una vegada al añu, amás de realizar inspecciones ensin avisu previu. Estos controles inclúin tomes d’amueses de los distintos productos, que son unviaes a llaboratorios acreditaos pa garantizar l’ausencia total de borrafes de sustances prohibíes, como pesticidas, organismos modificaos genéticamente, antibióticos, aditivos ensin autorizar, etc.

Tolos operadores inscritos nel COPAE tán obligaos a cumplir les normes de producción ecolóxica y a llevar una serie de rexistros y control documental pa garantizar el cumplimientu de la normativa.

¿Cómo identifico un alimentu ecolóxicu?

Por que un productu sía ecolóxicu tien que tar certificáu por un organismu de control y certificación autorizáu. Los alimentos ecolóxicos tienen de dir siempres identificaos por aciu del códigu o logotipu del órganu de control y el sellu européu de la producción ecolóxica, lo que garantiza qu’esi productu pasó toles pruebes y controles a que se someten tolos operadores de producción ecolóxica. Solo los alimentos ecolóxicos certificaos pueden llevar les menciones.

Denominación

Solo los alimentos ecolóxicos certificaos pueden llevar les menciones.
ECOLÓXICU
ECU
BIOLÓXICU
BIO
ORGÁNICU

Sellu européu

Ésti ye’l sellu européu de productos ecolóxicos que tien qu’apaecer obligatoriamente na etiqueta.

Logo organismu

Nel casu d’Asturies, l’organismu de certificación ye’l COPAE, el so códigu ye ES-ECU-012-AS y el so logotipu ye ésti:

¿Ónde atopar alimentos ecolóxicos?

Consulta’l rexistru de comercios minoristes inscritos nel COPAE

Cada vegada ye más fácil atopar productos ecolóxicos nos puntos de vienta, y esisten diverses maneres d’atopar productos ecolóxicos. Hai comercios que realicen la vienta a granel de forma fraccionada de productos ecolóxicos, pa lo que tienen que tar inscritos nel rexistru de Comercios Minoristes del COPAE pa pasar los controles obligatorios.

 

Nesti rexistru puedes atopar los comercios inscritos por allugamientu o tipu de comerciu y actividá. Son puntos de vienta recomendables, yá que suelen vender productos de cercanía o a granel, utilizando menos envases de plásticu. Comprueba que tu tienda de referencia figura inscrita y ta controlada pol COPAE. En casu contrariu puedes comunicánoslo. Esixe a la tienda cola que tenga más enfotu tola información necesaria pal consumidor.

 

Consultar rexistru de comercios minoristes del COPAE

Consulta´l llistáu de productores inscritos nel COPAE

Dende’l COPAE fomentamos les canales curties de comercialización, y una forma más cercana y encamentada de consiguir productos ecolóxicos ye por aciu la vienta directa que realicen dellos productores, yá sía directamente na so esplotación, o en determinaos mercaos y feries locales. Puedes consultar nel Llistáu de Productores aquellos que tean abargana de la so localidá pa contactar con ellos directamente.

 

Consultar llistáu de productores del COPAE

Consulta’l llistáu de restoranes con productos ecolóxicos

El COPAE tamién tien un rexistru d’Establecimientos de Restauración que trabayen con productos ecolóxicos. Nestos restoranes el COPAE controla l’orixe de los productos y que les indicaciones sobro la producción ecolóxica que s’utilicen na carta, el menú, los ingredientes, o nel mesmu establecimientu, sían clares y nun induzan a erru al consumidor.

 

Consultar llistáu de restoranes

Pa contactar con otru tipu d’operadores, como les empreses qu’ellaboren alimentos ecolóxicos.
Consultar el directoriu d’operadores del COPAE

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies