Teléfonu: 985 773 558

 

COPAE

¿Quién Somos?

Conseyu de la Producción Agraria Ecolóxica del Principáu d’Asturies (COPAE)

El Conseyu de la Producción Agraria Ecolóxica del Principáu d’Asturies (COPAE) ye una entidá de xestión creada pola Conseyería competente en materia agrario, pa conferi-y la función de realizar el control oficial de la producción ecolóxica.

 

El COPAE regulase por aciu el Decretu 81/2004, de 21 d’ochobre, sobro la producción agraria ecolóxica y la so indicación nos productos agrariu y alimenticiu, nel ámbitu del Principáu d’Asturies.

 

Decretu 81/2004 de 21 d’ochobre

Organigrama (COPAE)

L’órganu de gobiernu del COPAE ye’l Plenu del Conseyu, nel que tán representaos productores, ellaboradores, consumidores y l’alministración del Principáu d’Asturies.

 

El so funcionamientu regulase por aciu d’un Reglamentu de Réxime Internu, aprobáu pol Plenu del Conseyu.

 

Reglamentu internu
Organigrama completu del COPAE

Funciones del COPAE

La función principal del COPAE ye’l control y la certificación de la producción ecolóxica

Pero tamién tien asignaes otres funciones públiques, como la xestión del rexistru d’operadores ecolóxicos, velar pol cumplimientu de les normes de producción ecolóxica, promover el consumu d’alimentos ecolóxicos y realizar l’espardimientu y la conocencia de los sistemes de producción ecolóxica.

Rexistros

El COPAE controla les normes de producción ecolóxica en toles fases de producción, tresformamientu y comercialización de productos ecolóxicos. Por ello, el COPAE ye’l responsable de xestionar los siguientes rexistros d’operadores:

Productores

Pa les producciones agrícoles, ganaderes o d’acuicultura.

Ellaboradores

Pa les empreses que procesen, tresformen o distribúin.

Importadores

Pa l’actividá d’importación de países terceros.

Comercios minoristes

P’aquelles tiendes que manipolien productos ecolóxicos o realicen la vienta a granel, o de forma fraccionada, al consumidor o usuariu final.

Establecimientos de restauración

Pa garantizar l’orixe de los productos ecolóxicos, el COPAE ufierta la posibilidá d’establecer alcuerdos de collaboración coles empreses de restauración colectiva y crea un nuevu rexistru pal control de restoranes o empreses de restauración colectiva qu’ellaboren menúes o platos con ingredientes ecolóxicos.

REGOE

A nivel nacional, esiste un rexistru xeneral d’operadores ecolóxicos (REGOE), que puede consultase na páxina web del Ministeriu d’Agricultura.

 

Accesu al REGOE

Estadístiques

Resultaos en cifres

El COPAE estrayi añalmente los datos de la producción ecolóxica. La información inclúi’l númberu d’operadores por actividaes, la superficie inscrita por cultivos, les producciones ganaderes o los tipos d’industries, ente otros.

 

Puede consultar les estadístiques dende l’añu 2001, tanto d’Asturies como del restu de comunidaes d’España, na páxina web del Ministeriu d’Agricultura Pesca y Alimentación.

 

Ver estadístiques

 

Amás, el COPAE publica los mapes de distribución de la producción ecolóxica n’Asturies, por conceyos

 

Ver mapes

Tases

Con calter públicu y ensin ánimu d’arriquecimientu

Una de les obligaciones qu’establez la normativa europea de producción ecolóxica ye la contribución de los operadores a los costos de control. Por ello, el COPAE establez distintes cuotes d’inscripción y caltenimientu nos rexistros, según cada tipu d’operadores y actividaes certificaes.

 

El COPAE ye una entidá de xestión con calter públicu y ensin ánimu d’arriquecimientu. Los ingresos procedentes de les tases de los operadores destínense a financiar parte de los gastos de control y de funcionamientu, y parte de los gastos de promoción de la producción ecolóxica.

 

Al tratase de funciones públiques conferíes pola alministración, el COPAE tamién se financia por aciu d’ayudes de la Conseyería competente en materia agrario.

 

Tases del COPAE en 2017

Normativa

La producción ecolóxica regulase a nivel européu.. Puede consultase tola lexislación actualizada sobro la producción ecolóxica, tantu nacional como europea, na páxina web del Ministeriu d’Agricultura.

 

Consultar normativa europea y nacional

 

N’Asturies, los documentos normativos son los siguientes:

 

Decretu 81/2004 de 21 d’ochobre, sobro la producción agraria ecolóxica y la so indicación nos productos agrariu y alimenticiu, nel ámbitu del Principáu d’Asturies

 

Reglamentu internu del COPAE
Catálogu d’incumplimientos y midíes na producción ecolóxica
Resolvimientu sobro la exención de determinaos comercios minoristes

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies